郁聞

時：8/12/2009
人：苗、苗友

苗同友人講電話。
苗友：我想買野用黎聽mp3。
苗：買咩野呀？
苗友：我想知而家d人用咩黎聽mp3？
苗：mp3機囉，ipod都幾common。
苗友：(無聊癮發作)斷估都唔會用discman、walkman聽。
苗：我淨係知一定唔會用郁聞黎聽囉~

事後，我地仲講到以前d人抬住去郊野公園fing機嗰種大機(唔知應該點叫佢？)，可惜大家年紀都太細(大家都係千禧bb，明啦~)，冇經歷過嗰個用膊頭托住部機去郊外燒野食o既年代。

吃豆腐

時地人同上。

席上有一日本雜錦火鍋，入面有菰、有豆腐，另枱上有串燒蝦。
大家一起重溫從前一起打邊爐時講過既無聊野。
苗：食蝦唔會俾人蝦！
苗友一：食菰會孤獨一世~(這個很毒。)
苗友二：食完豆腐可以去吃人豆腐。(今晚新增的打邊爐語錄。)

送酒

時：28/11/2009
地：繼續灣仔某日本餐廳
人：苗、苗友

苗友一：枝豆最好用黎送酒。
苗友二：送走你咪送走囉。

枝豆

時：28/11/2009
地：灣仔某日本餐廳
人：苗、苗友

同「花枝丸」同一餐飯。
侍應送上一客枝豆。
苗：枝豆黎喇。
苗友：(哼歌)枝豆世事常變~
苗：……

花枝丸

時：28/11/2009
地：灣仔某日本餐廳
人：苗、苗友

苗跟友人到一日本餐廳吃飯。
苗友同侍應落柯打：唔該一客花枝丸丫。
事後苗好奇問友人：點解日本餐廳有花枝丸食？
苗友：我係叫花之戀，唔係花枝丸。

落坑

時：24/11/2009
地：狗剪寶零球場
人：化、苗、鼎、蘿、化友

（情景：蘿剛打出一球，個波落左坑。）

苗：（皺眉）我真係唔明點解d人打波成日都可以落坑架！

（註：其實苗想講「落西」，但講錯左，結果俾人串左成晚。）

古井

時：5/11/2009
地：神洲某博物館
人：兒、兒友

　

兒不知道這件出土自漢朝陵墓的展品是甚麼，看了簡介後……

兒：原來是一個陶井
兒友：陶古井呀

史泰龍

時：2009年11月某天lunch time
地：某泰國菜餐廳
人：兒、拳、苗

拳：點解「史泰龍」？
兒：因為飲得少水
苗：d水攞咗嚟沖茶

杭凶功司

時：19/11/2009
人：苗、苗友

話說苗友一傳來冬荒杭空飛倫敦的優惠，詳情見
http://www.hkst.com/fileshow.asp?id=2849

苗於是把這個優惠跟一個熱愛到歐洲的朋友分享(下稱苗友二)。
苗：呢個優惠唔錯。
苗友二：冬荒杭空會唔會飛唔到去西方嫁？(擺明玩野)
苗：咁西北杭空係咪只可以向西北方向飛丫？

食夜粥

時：15/11/2009，星期六
人：苗、苗友

背景：苗跟朋友相約星期日晚到某酒店吃dinner buffet。苗友記住苗話鍾意吃粥，講電話期間提住苗星期日晚要吃粥。以下為苗跟苗友的對話：

苗友：你聽晚記住吃碗粥！
早苗：tea buffet就話有粥，dinner buffet應該冇啦，好少有人夜晚食粥，通常都食飯嘛。
苗友：食夜粥1既人夜晚咪會食粥囉！
早苗：嘩！你d gag爛到冇朋友！

1 食夜粥：學功夫。上網搵過有得解，好奇既，粗粗地去yahoo知識搜尋下。

你係咪士媽通？

時：12/11/2009
地：講電話，冇地
人：苗、苗友

苗同友人講講下電話，突然醒起問朋友用邊間電話公司。
苗：你係咪用士媽通？(佢以前係士媽通用家。)
苗友：咩話？我係咪返工？
苗：你係咪用士媽通呀？
苗友：我係咪周公？
苗：(開始懷疑佢係咪玩野，再重問一次)我問你，你係咪用士媽通呀？
苗友：我係咪周中？我緊係唔係佢，佢好囉唆。
苗：你係咪玩野呀？！

假貓與假狗

時：10/10/2009
地：凱羊功院
人：化、苗

時近萬聖節，功院內有不同既嚇鬼佈置(真係夜晚見到都唔驚嗰隻)如下圖。


苗：呢d真係好假。

va：假狗就見得多，假貓真係好少見。

落機呀

時：十月二日
地：飛機內
人：繼續係苗同籮

苗：一陣我地到步就要落機呀！

其後苗不斷重複此GAG，直至真係落機呀~

B在哪裏？

時：十月二日
地：抬彎塗完機場第一航下禁區
人：苗、籮

苗跟籮返港航班的登機口在B6。
苗四處張望，問籮：B喺邊呀？
籮：B就喺你隔離。
苗：……

前世‧今生

日：九月廿九日
地：身足
人：苗、籮

話說苗同籮到身竹玩樂，坐在一個向海的塔上觀海。
籮：我好鍾意靠近海既地方。
苗：點解？
籮：因為我前世係一條美人魚。
苗：……

打邊邊

時：090909
人：兒蘿化鼎拳苗

gag:
話說是日有邊爐飯局，於出發前夕……

兒：我地今晚幾點出發呀？

鼎：我今天來不了。請大家在小肥羊的招牌前放一盤羊肉供奉我吧。

化：有冇人帶相機? 話曬都係09年9月9日在小肥羊憶山東兄弟, 值得紀念!

蘿：憶”山東弟兄”係指永遠懷念鼎爺？

鼎：如果可以順便打999便好了。

化：打埋天九?

鼎：今天所有食物都叫 9份。

蘿：要唔要響每句說話中都加插個9字？例如：打­__你、痴__線等。

鼎：可能酒樓出9隻魚蝦蟹來招呼你。

拳：大家說話請河蟹一點

化：9條大漢齊齊炒蝦拆蟹, 蔚為奇觀喎

苗：呀化~~~~

鼎：九個女仔一隻鬼……

化：做咩屈jumping係女仔?

鼎：有沒有玩過女神轉生嘛。

拳：Jumping是女神轉生？轉身？

鼎：最後世界會因此被毀滅。

直搗

時：開學日午膳時間
地：pantry
人：媛, 娟, ca, 化

gag:
（化用膳完畢，到pantry洗碗，遇到正在等叮飯的其餘3人）
娟：化，你成日都咁快食完既？
化：係呀，直倒落去，唔駛咬架嘛，所以咁快。
娟：（無聊）「直搗黃龍」果個「直搗」？嘩呢個係你既招式名牙？
ca: 係「直倒喉嚨」呀！！！

多一點關心 多一點問候

時：2009年8月23日下午

地：大西北街上
人：兒、兒妹

兒妹看到一個哥哥仔……


兒妹：看他的衣著，他應該剛參加完義工活動……



兒妹：哈哈哈哈……

周瘦牙

時：2009年8月10日
人：兒、化、蘿、jumping、迪、鼎……
gag：
話說蘿跟大家分享尖睡聞扮0靚模周秀娜的艷照……
因此爆發回應風暴。
以下為輯錄版


















迪：好嘔心呀，你快d放上網同大家分享啦！

化：你呢個咩反應泥架~

鼎：說明她很矛盾嘛．

鼎：放上facebook做profile photo……
再轉msn的圖。

蘿：要唔要九個人一齊夾定轉facebook張相？
迪梗係覺得自己影得比相中人更有美感~~

迪：咁搞法我仲使出黎行既？！

蘿：迪，你去影證件相時記得擺番相中人既甫士，仲要有一枝飲管同一樽牛奶作道具。

鼎：是她覺得不用洗牙和吃雪糕已可把娜姐打下去。

迪：洗牙？人地刷牙咋喎，使唔使玩到咁大呀？

蘿：洗牙既話，流既就唔係牙膏，係牙血。

鼎：還有牙石。多一點質感。

迪：再show埋條牙隙好唔好？

鼎：這樣你又可多一件道具了──牙線。

jumping：周秀牙…

蘿：莫非你覺得牙隙比其他隙更有睇頭？

鼎：有牙縫的是周瘦牙

化：成個牙醫診所做背景係咪震撼d

jumping：鵬哥做牙醫啦今次

化：扮埋愛康健齒科都得

迪：搵朱咪咪出黎邊有美感架！

jumping：咁叫埋咪咪姐坐reception

鼎：我今天在地鐵站看到，好像娜姐有新廣告

迪：係呀，今次著黑衫

蘿：出左幾日架喇，懶係野性咁呀嘛~~

化：賣乜架

迪：性感

鼎：肉。

鼎：沒有新的突破呢。

迪：你想佢唔著牙？要俾錢先有得睇架喎

蘿：點先算有突破？

鼎：可能要露出肺葉。

迪：咁同人體奧妙展有乜分別？

鼎：從另一角度思考別人的美。

蘿：分別係肺葉上有牙血，人體奧妙展的冇~~

鼎：小心有牙……

苗：恐怖的女人。

鼎：小心女人……

苗：男人小心

兒：人妖要唔要小心

鼎：男人心，一字馬。(注1)

苗：所以最後落得如此下場。

鼎：怎麼？爆胎麼？

蘿：係變得艷麗也暗啞

迪：呢句好有深度呀下~

鼎：這句是男人不一字馬的下場。

(下刪十多回對答)

注1 男人心一字馬：流行曲名句，詳見http://evchk.wikia.com/wiki/%E7%94%B7%E4%BA%BA%E5%BF%83%E4%B8%80%E5%AD%97%E9%A6%AC

涼瓜炒苦瓜

時：2009年7月17日

地：金黃亭

人：兒、化、蘿等

唔見左音符

時：2009/07/22 晚
人：拳、拳友a、b、c、d、e
gag:
中同飯聚

(以下純為表述爛 gag，絕無歧視之意，如內容有所冒犯，請見諒。)

女魯斯a：聽人講讀音樂系的男仔唔係gay就勁鹹濕。有人同我講，佢去音樂系個男教授屋企練琴，攰得 滯，教授叫佢入房瞓……

眾：(期待)點呀？

女魯斯a：佢瞓瞓下feel到有人摸佢，擘大對眼，見到個教授囉……

眾：(議論紛紛) 咁都得？女仔黎架？

女魯斯a：男仔呀！

男廣告人d：吓，咁個教授係鹹濕定gay?

眾：(齊聲) 又鹹又gay囉！

拳：我想知個男仔醒左之後有咩反應？個教授又點解釋？

男廣告人d：佢係咪話：『哎呀，唔好意思，我唔見左粒音符，想搵返』 ？

(眾人爆笑)

銀芽

時：2009/07/22 晚
人：苗、苗友

gag:
苗同朋友講電話，講緊廢話+無聊野。
苗：一段新o既戀情就係咁萌芽喇……
苗友：一段新o既戀情就係咁銀芽喇。但銀芽只係配肉絲炒麪嫁咋。
苗：……

成個對話真係毫無邏輯可言……

聯想空間

時：2009/07/16, 10:05am
地：柯佛士
人：沙, va, 娟

gag:
沙：eleanore個名點串呀？
va：e-l-e-a-n-o-r-e. 好似好耐歷史架喇呢個名，響d皇宮入便都見過。
娟：原來eleanore係皇后！
沙：唔！等我研究o下佢個名先，等我可以……
娟：（逼迫）可以點呢？
va：（進一步逼迫）可以點先？
沙：（思考一會）可以有多d聯想空間囉！

claim保險

時：2009年某天
地：香港某處
人：兒的朋友、職員

職員：我們已為大家是次旅程買了xxx元保額的保險。如不幸身故，你們只要帶同死亡證找我們，便可得到賠償。

兒的朋友：……

你快死

時：2009年6月26日
地：元朗永Lin士多
人：煮車仔麵的哥仔、某人、兒

（兒正低頭一邊吃車仔麵、飲可樂，一面偷聽煮車仔麵的哥仔吹水 ）

哥仔：係咪「你快死」嚟架？
某人：咩「你快死」呀？
哥仔：「你快死」咪即係Levis囉，咁都聽唔明……
某人：……

（兒忍笑繼續吃車仔麵、飲可樂……）

點心紙

時：六月下旬某天
地：一屋邨酒樓
人：化、化妹

gag:
（等食期間，化鑽研點心紙）
化：佢呢度譯腐皮做 bamboo sheet禾！
化妹：（喪笑）bull shxt?!

（輪到化妹鑽研點心紙）
化妹：有味野叫「脆皮滷豆腐」喎！
化：（喪笑）「老豆」？！

愛，要幾時？

時：10/06/2009
地：公私
人：苗、化

(苗當晚跟友人看優先場。)
化：套戲叫咩名？
苗：中譯個名好老套，好似叫《愛‧得及時》。
後來苗上網搜尋一輪，發覺套戲叫《愛‧不太遲》。

參考網頁：http://www.imdb.com/title/tt1046947/

唔打o黎

時：06/06/2009晚
地：馬交酒店房內
人：苗、化、蘿、兒、沙

gag:
（大夥兒梳洗完畢，到了「夜半輕私語」時間，應出現的兩人還未出現）
苗：佢地點解仲唔乸……
化：你想講佢地做咩仲唔「乸」o黎呀？
蘿：嘩！睇唔出早苗把口咁粗架！
苗：（無力地辯駁）我係想講話，佢地做咩仲唔打o黎呀……

郵筒

時：07/06/2009
地：馬交新帆船餐廳
人：馬交七人組

gag：
晚膳，眾人點菜，菜牌上有一道「芝士焗原隻魷筒」
蘿：(興奮狀) 我想食「魷筒」呀……
鼎：(寸咀狀) 你想食「郵筒」呀？出面食啦！

枯乾而死

時：06/06/2009
地：馬交勝利餐廳
人物：化、鼎、拳

gag：
正當大家共進午膳的時候
拳：(關心)大家照顧下鼎爺，佢要成日飲野架。
化：(冷酷) 我想睇佢枯乾而死個樣……

戒仔

時：05/06/2009
地：公私
人物：拳、兒、化

gag:
（兒講緊唔食得熱氣野，例如薯片）
兒：我要戒……
化：（聽唔清楚）戒咩呀？仔呀？
拳：兒要戒薯仔呀！

（此為造句中的撮寫……）

一舊

時：05/06/2009
地：公私
人物：拳、化、兒

gag:
零食採購員（兒）入完貨，向財政(化）追債……
化：唔夠錢呀，俾住一舊你先
拳：一舊咩呀？舊s？

（原來用一舊s就可以換到咁多嘢食，下次去偽腔買嘢食唔使帶錢，帶多幾舊s就搞掂啦）

(此為造句中的擴寫……)

盧偉松和洪樹琳

時：30/05/2009
地：米埔
人：苗、拳、化、鼎、兒、蘿、彼得（導賞員）

gag：
（彼得向眾人講解稍後生態遊會遇到0既景物。）
彼得：（指住路線圖）等陣行到嚟呢度，大家就會見到蘆葦叢同紅樹林0架喇……
鼎：人名嚟0架？

危機意識

時：01/06/2009
地：電子油箱
人：苗、拳、化、沙、兒、鼎、蘿

gag：
（眾人討論緊會唔會暈船浪既問題。）
鼎：我唔食嘢上船會暈浪0架。
苗：你唔上船咪唔駛怕會暈浪囉。
蘿：其實有我地咁多位美女相伴，鼎爺點都係會暈浪。
鼎：老師教我，見到熊人要倒地裝死。

一條舟

時：30/05/2009
地：米埔
人：苗、拳、化、鼎、兒、蘿

gag：
（行行下見到一隻艇仔）
鼎：（指住隻艇仔）一條舟呀！
（「一條舟」同某樣衰野0既讀音相同，眾人同時get到，喪笑）

POINT

時：08/2007
地：澳門藝術博物館
人：苗、苗友

gag：

「POINT」為其中一件展品。

錶型大漢

時：25/04/2009
地：領男鍾鶴
人：苗、拳、化

gag：
化：我地都係彪形大漢。(唔記得exact wording，咁上下意思啦，有錯請更正。)
苗：(指指手上手錶。)錶形？

你meet，我又搣

時：25/05/09
地：中環IFC對出天橋
人：苗、苗友

gag：
(話說苗相約朋友在中環吃飯。)
以下為苗跟友人的電話對話：
苗友：我上左天橋，我而家企喺度，一陣喺度meet你丫！
苗：好啦，但你一陣唔好搣我喎，好痛嫁。
苗友：我都估到你會咁講！

由此推論(小學學能測驗d推理題好鍾意出呢四個字。)：
早苗既朋友都好了解早苗。

男裝錶

時：22/05/09
地：公私
人：苗、化

gag:
(拳放假，苗見拳桌上有一男裝腕錶)
苗：咦？隻男裝錶仲係度喎……
化：（理直氣壯）拳係男人黎架嘛！梗係戴男裝錶啦！
(事實的全部是拳明顯是一名中國籍女子)

伴

時：26/05/09
地：公私
人：苗、拳

gag:
拳：如果搵多一個伴 【粵音盆2 pun2】去旅行就好啦。
苗：伴？盆？洗面個d？

哈爾移動城堡

時：26/05/09
地：公私
人：苗、拳

gag:
(拳唔知咩事說起哈爾移動城堡)
苗叫拳出去吃午飯。
苗：出發。
拳：好，哈爾移動城堡。
苗：哈爾？笑你喎？
拳：??
苗：文言文 「哈」= 白話文「笑」，「爾」=「你」

紅字為苗的補充。

修辭法：頂真

時：27/05/09
地：chopsticks錄音室
人：沙、化（可讀成法文ca va，意即「你好嗎？」）

gag:
（沙在錄音稿上寫下監聽員名，有感而發）
沙：咦頂真喎！
化：o下？
（沙在稿上寫下二人initial：EVC, CSS）

肴底褲

時：29/5/09, 下午
地：公私
人：拳、化、蘿、苗、jumping

gag:
（話說jumping這天穿著恤褲牛仔褲。）
苗：我幾鍾意男仔著恤褲襯牛仔褲。
拳：(指著jumping) 佢？
苗：(遲疑狀) 拿……唔係個個男仔都著得好睇架……
拳：佢個條邊係牛仔褲啫？佢個條係「肴底褲」黎架！
(jumping 阿頭 夏夏來找他，jumping急急仆回去。)
眾：你仲唔係肴底？
jumping：我盡責啫……
拳：「盡窄褲」？
苗：盡窄 = 超窄……

誠實豆沙包

時：22、25/5/09, 下午
地：電子油箱、公私
人：拳、化、蘿、苗

gag:
蘿：化，你真係好細心呀！！！
化：又想搞gag嗎？-_-
蘿：如果真誠係一種罪，咁你地就將我釘響十字架上啦。
苗：真誠唔係罪，不過你講呢一句，我真係想打你鑊甘0既！
拳：（懶得意）真誠十字架，功效等同誠實豆沙包。

層遞法

時：4月某一天
地：公私
人：jumping、拳、鼎、蘿、苗

gag:
（在討論吃東西的話題）
jumping：（懶好笑）你哋請我食呀？
蘿：（寸咀）將d嘢食0趙爛再"lur"俾你食就得。
拳：（再寸咀）將d嘢食吞咗落肚再反芻俾你食就得。
鼎：（三寸咀）將d嘢食吞完消化埋再痾出嚟俾你食就得。
眾：（為突如其來的默契興奮）勁！呢個係層遞法！

少少鬚

時：5月中旬
地：化家
人：化、化妹

gag:
（化剛拍完明哥回家，整理照片）
化：嘩！佢真係好靚仔呀！佢好型呀！（下刪數萬字）......佢有少少鬚喎！
化妹：（雖然也鍾意明哥但都不耐煩）旺旺咩！小小酥！

中女社

時：25/05/09, 晨早流流
地：公私
人：化、拳、蘿

gag：
蘿：(認真問) 知唔知附近有冇中旅社呀？
化：中旅社？唔知喎……中女就有大把。
蘿、拳：@#$%^&*(*……

海參男

時：21/05/09, 午飯前
地：公私
人：化、拳、苗、栗

gag：
粟：我喺涼茶鋪大嫁！
苗：(寸栗) 你梗係啦！食咁多海參！
化：海參男？
拳：開心男？
化：happy boy？
究竟海參個英文係咩呢？(跟手上網找海參英文名稱，發現是Sea Cucumber)
原來是Sea Cucumber Boy ……

(無限引申下，發展出一套《海參鍾角與民》)

陳豪篇

時：21/05/09, 15:36
地：電子油箱
人：化、拳、苗、蘿

gag：
拳：（陳豪上身）如果話比你知，血腥類嘅爛gag只有阿化講到，你信唔信呀？

兒童樂園

時：午後約 2:45
地：公私

(1)
人：化、蘿、拳、苗

gag ：
拳：早苗帶壞我地啦！
蘿：我係乖到點帶都唔壞嘅！

(2)
人：化, 蘿, 拳

gag ：
蘿：(指著《兒童樂園》拍子本封面) d 數字代表咩呀？
化：(串嘴) 期數呀嘛，扮細！
眾：(訝異) 係咩？我冇睇過喎！
化：(冷靜) 我都冇。

密封

時：20/05/09, lunch
地：一餐廳
人：維、化、苗

gag:
維：帶一枝二枝沖涼洗頭液上機，我驚佢漏喎！
化: 你用個有zip果d密封膠袋入住咪得！
苗：密封？bee?
眾：咩呀？
苗：蜜蜂呀，咪bee囉！