橋咀形成的原因

時：等待下班X不用上班的法國時間
地：泡菜國X香港
人：苗、鼎、Jumping

（苗為時間太多而生了不知到何處流浪的幸福煩惱。）
苗　　　： 想法成日變，話唔定會突然唔想去旅行。
Jumping ：去到拉斯維加斯突然唔想去旅行。
鼎　　　：結左婚就唔會想。
苗　　　：我覺得自己應該唔似會結婚喎。
Jumping ：應該唔關結唔結婚事。
鼎　　　：未有種子點會有蘋果。
苗　　　：一把年紀。
鼎　　　： 唔好寸米王啦。（注：米王乃Jumping 之別號也）
苗　　　：佢唔係就結咩。
Jumping ：結賬。
鼎　　　： 結紮。
苗　　　：米王咁鍾意細路。
鼎　　　： 借種咪得。
Jumping ：我有好多嘢都鍾意。
鼎　　　： 例如青姐＿＿（注：青姐乃苗之實朵也。請在橫線上自行填寫適當的字詞）
Jumping ：青姐的霸氣。
鼎　　　： 天秤12種武器外的最大武器。
苗　　　：你兩條茂利（注：茂利，廣東地道方言，原指愚鈍、容易受騙但又自以為是的人，後作指罵別人時的泛稱，同「仆街」和「蛋散」），最大武器係咩？
Jumping ：「任我行」。有一次, 我一落車就落狗屎，然後匿入騎樓底避雨，等咗十分鐘，啲雨停晒,，米花（注：Jumping的「朋友」）架巴士就到站了。
苗　　　： 我試過類似嘅情況，不過係勁曬，心入面剛講左句：唔好咁曬得唔得。講完就即刻陰左。
鼎　　　：摩西都肯定係天秤座，我懷疑橋咀都咁係形成的。（注：苗和米花同為被譽為坐公交不用等車、遇劫反而賊人會送上旅費、碰上雪崩也會安然無恙的「人生勝利組」天秤座。）

墓誌銘

時：下午茶時間
地：各地
人：鼎、Jumping

（鼎和Jumping討論國家(地理雜誌)的大事）
 Jumping：最後一次續訂, 我個價係$238。
 鼎          ：好X貴。
 Jumping：我而家加咗保添 =.=
 鼎          ：你係米王。我唔係。（注：米王=Jumping別稱，指「腰纏萬貫的財主」）
 Jumping：你係暗米王，我呢啲只係煙幕。
 鼎          ：「我的財富在天家」......但我會下地獄。
 Jumping：正，用來寫墓誌銘會係幾不錯。
 鼎          ：墓誌銘係用來詐死用的，真身已去左南美。
（注：希特勒盛傳在二戰時沒有自殺，而是逃往南美。）

「黃」

時：愛在鼠疫蔓延時
地：大千世界
人：鼎、Jumping

（鼎看電子書時發現一個有趣的詞語，跟Jumping開心分享）














鼎： 龍虎豹。
Jumping：甚麼叫黃的東西？「帶有黃色的物件」之類不行嗎？（寸嘴地）爛中文！
鼎：還要開關引號，好惹人遐想。我懷疑因為詞語是「黃」。
Jumping：配詞也不行嗎？
鼎：吳佩慈。
Jumping：（無視）那可以作多少句？走火入魔。
鼎：「黃是我的姓，紅是我愛的，就當是常識。」
Jumping：（繼續無視）謝霆鋒　《黃》